Mənə vətəndaşım demə...

İnnən belə məni sevmə
İndiyədək sevməmisən
Sevməməklə nə etdin ki,
Sevməyinlə nə edəsən.
. . .
Mənə vətəndaşım demə
Vətən düşür gözlərimdən
Sən vətənin oğrususan
Tanıyıram izlərindən
. . .
Mən səndən ədalət umdum
Sən, əsgər meyidi verdin
Mən öz dərdimdə yuyundum
Sən,sərvətim ilə çimdin
. . .
Biz əzablarla doymuşuq
Sən,canımızı yemisən
Biz sənə nöqtə qoymuşuq
Sənsə vergül eləmisən...