Elnur Məcidliyə

Şərəfi,vicdanı qırıq olanlar
Şüşəqıran adı verdilər sənə
Həqiqi adını deyə bilməyib
Saxta, yalan adı verdilər sənə
…
İli tamam olan,məhbusluq ömrün
Sənin silinməz şərəf taleyindi
Bu gün gül bayramı deyil qardaşım
Sənin azad insan yubileyindi.
…
Bu gənc həyatını oğurlayanlar
Qarşında alçalıb, kiçiləcəklər
Sənin şərəfinlə keçdiyin yolu
Şərəfsiz məhbus tək keçirəcəklər.